📢 ЈАВНА РАСПРАВА ЗА НАЦРТ-ПРОСТОРНИОТ ПЛАН 2021–2040
Почитувани граѓани,
Ве информираме дека на 29.09.2026 година (вторник), со почеток во 12:00 часот, во големата сала на Општина Велес, ќе се одржи регионална јавна расправа по Нацрт-просторниот план на Република Северна Македонија 2021–2040 за Вардарскиот плански регион.
📍 На јавната расправа ќе бидат претставени Нацрт-просторниот план и предложените плански решенија, а присутните ќе имаат можност да поставуваат прашања, да изнесат мислења, забелешки и предлози.
🤝 Јавната расправа се организира од Центарот за развој на Вардарскиот плански регион, во соработка со Министерството за животна средина и просторно планирање и Агенцијата за планирање на просторот.
Ги повикуваме сите заинтересирани граѓани, институции, јавни претпријатија, установи, деловни субјекти, научни и стручни институции и граѓански организации да земат активно учество во јавната расправа.
#ОпштинаРосоман #ВардарскиРегион #ЈавнаРасправа #ПросторенПлан #Росоман